ខេត្តត្បូងឃ្មុំ៖ ចាប់ពីម៉ោង ៨;00នាទី ព្រឹករហូតដល់ម៉ោង ១១ និង៣០នាទី ថ្ងៃទី ២៩ ខែសីហា ឆ្នាំ ២០១៥ នៅមន្ទីរគណបក្សខេត្ត បានរៀបចំកិច្ចប្រជុំពិភាក្សាលើសេចក្តីព្រាងរបាយការណ៍បូកសរុបការងារគណបក្ស និង សកម្មភាពក្រុមការងារចុះជួយខេត្ត ក្រុង ស្រុក និងឃុំ សង្កាត់ប្រចាំឆមាសទី១ និងទិសដៅភារកិច្ច សម្រាប់ឆមាសទី២ ឆ្នាំ២០១៥ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន ប្រធានក្រុមការងារ គណបក្សថ្នាក់កណ្តាលចុះជួយខេត្ត។ វត្តមានអញ្ជើញចូលរួមក្នុងកម្មវិធីនេះ មាន ឯកឧត្តម លោកជំទាវ លោក លោកស្រីជាទីប្រឹក្សាសម្តេច ជាប្រធាន-អនុប្រធានក្រុមការងារថ្នាក់កណ្តាល និងថ្នាក់ខេត្តចុះជួយ ស្រុកក្រុង ឃុំសង្កាត់ អស់លោក លោកស្រីប្រធានគណបក្សប្រធានស្នាក់ការ គណបក្ស និងប្រធានក្រុម ប្រឹក្សាស្រុកក្រុង និងលោក លោកស្រីជាប្រធានគណបក្សមូលដ្ឋាន ឃុំសង្កាត់ និងចំការកៅស៊ូ សរុបចំនួន ២៨៥នាក់។
