នៅស្នាក់ការគណបក្សប្រជាជនកម្ពុជាស្រុកតំបែរ ខេត្តត្បូងឃ្មុំ មានពិធីជួបសំណេះសំណាល សាកសួរសុខទុក្ខ និងផ្សព្វផ្សាយស្តីពីផែនការទប់ស្កាត់ និងបន្សាបការធ្វើបដិវត្តន៍ពណ៌ ក្រោមអធិបតីភាពដ៏ខ្ពង់ខ្ពស់របស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងារថ្នាក់កណ្តាលចុះជួយស្រុកតំបែរ ដោយមានការចូលរួមពីសហការីក្រុមការងារថ្នាក់កណ្តាល និងថ្នាក់មូលដ្ឋាន គណៈកម្មាជិការបក្សស្រុក ឃុំភូមិ លោកគ្រូ អ្នកគ្រូ មន្ត្រីរាជការ យុវជន សកម្មជនបក្ស សរុបប្រមាណជាង ៦០០នាក់។
មានប្រសាសន៍សំណេះសំណាលនាឱកាសនេះ ឯកឧត្តមប្រធានក្រុមការងារបានពាំនាំនូវការផ្តាំផ្ញើសាកសួរសុខទុក្ខ ពីសម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ដែលតែងតែយកចិត្តទុកដាក់អំពីសុខទុក្ខ និងជីវភាពរបស់បងប្អូនប្រជាពលរដ្ឋគ្រប់ពេលវេលា។ បន្ទាប់មកឯកឧត្តមបានបកស្រាយជូនអង្គពិធីអំពីផែនការផ្តួលរំលំរាជរដ្ឋាភិបានតាមរយៈការធ្វើបដិវត្តន៍ពណ៌ ដែល ផែនការនេះ មានការគាំទ្រពីប្រទេសមហាអំណាច ដែលមានបណ្តាញច្បាស់លាស់និងប្រព័ន្ធផ្សព្វផ្សាយ។ល។
ឆ្លៀតយកឱកាសនេះដែរ ឯកឧត្តមបានក្រើនរំលឹកដល់សមាជិក សមាជិកាទាំង អស់ ឲ្យខិតខំយកចិត្តទុកដាក់អនុវត្តគោលនយោបាយរបស់បក្សឲ្យមាន ប្រសិទ្ធភាព ដើម្បីឈានទៅសម្រេចបានជោគជ័យក្នុងការបោះឆ្នោត នាឆ្នាំ២០១៨។
