សម្តេចប្រធានរដ្ឋសភាប្រគេនទៀនព្រះវស្សា និងទេយ្យទានដល់វត្តចំនួន៥៨ ក្នុងស្រុកពញាក្រែក ខេត្តត្បូងឃ្មុំ និងស្រុកកំចាយមារ ខេត្តព្រៃវែង

ថ្នាក់ដឹកនាំខេត្តត្បូងឃ្មុំ អមដំណើរសម្តេចប្រធានរដ្ឋសភា និងលោកជំទាវ ប្រគេនទៀនព្រះវស្សា និងទេយ្យទានដល់វត្តចំនួន៥៨ ក្នុងស្រុកពញាក្រែក ខេត្តត្បូងឃ្មុំ និងស្រុកកំចាយមារ ខេត្តព្រៃវែង នៅព្រឹកថ្ងៃទី08.7.2017 នៅវត្តសុវណ្ណារាម ហៅវត្ត “ថ្កូវ” ក្នុងឃុំកក់ ស្រុកពញាក្រែក ខេត្តត្បូងឃ្មុំ ដោយក្នុងនោះមានការអញ្ជើញចូលរួមផងដែរពី ថ្នាក់ដឹកនាំរដ្ឋសភា ឯកឧត្តម ប្រធានក្រុមប្រឹក្សាខេត្ត អភិបាលខេត្ត អភិបាលរងខេត្ត ប្រធាន អនុប្រធាន មន្ទីរ អង្គភាព និងពុទ្ធបរិស័ទ្ធជិតឆ្ងាយ ក្នុងខេត្តទាំង២យ៉ាងច្រើនកុះករ ។
សូមបញ្ជាក់ថា៖ វត្តទាំង៥៨ ដែលប្រគេនទៀនព្រះវស្សា និងទេយ្យទាន នាពេលនេះ គឺ៥១វត្ត ក្នុងស្រុកពញាក្រែក ខេត្តត្បូងឃ្មុំ និងចំនួន ៧វត្តផ្សេងទៀត មកពីឃុំជាច ស្រុកកំចាយមារ ខេត្តព្រៃវែង ។