អបអរសាទរខួបកំណើតគណបក្សប្រជាជនកម្ពុជា ២៨ មិថុនា ១៩៥១ -២៨ មិថុនា ២០១៧ ក្រោមអធិបតីភាពឯកឧត្តម ប្រាជ្ញ ចន្ទ ប្រធានគណៈកម្មាធិការគណបក្សខេត្តត្បូងឃ្មុំ។
គណបក្សប្រជាជនកម្ពុជាមានឈ្មោះដើមថា បក្សប្រជាជនបដិវត្ដខ្មែរ បានបដិសន្ធិឡើងនៅថ្ងៃទី២៨ ខែមិថុនា ឆ្នាំ១៩៥១ ដោយមានប្រភពពីចលនាតស៊ូ របស់ ប្រជាជនកម្ពុជា ប្រឆាំងពួកអាណានិគមនិយមដើម្បីឯករាជ្យជាតិ។ រយៈពេល៦៦ឆ្នាំមកនេះ គណបក្សប្រជាជនប្រឹងប្រែងជម្នះគ្រប់ឧបសគ្គ ដើម្បីប្រទេសកម្ពុជាមួយឯករាជ្យ សន្តិភាព ប្រជាធិបតេយ្យ អាព្យាក្រឹត និងវឌ្ឍនភាពសង្គមពេញលេញ។
ក្នុងពេលដែលប្រទេសធ្លាក់ក្នុងគ្រោះមហន្តរាយ ដែលរបបប្រល័យពូជសាសន៍ ប៉ុល ពត មានតែ គណបក្សប្រជាជនកម្ពុជា តែមួយគត់ ដែលបានក្រោកឈរតស៊ូ ដឹកនាំ ប្រជាជនធ្វើការប្រយុទ្ធផ្តួលរំលំ របបដ៏យង់ឃ្នងនេះ អោយដួលរលំនៅថ្ងៃ ៧ ខែមករា ឆ្នាំ១៩៧៩ សង្គ្រោះប្រជាជាតិខ្មែរឱ្យរស់ឡើងវិញ ជាលេីកទី២។
ជាពិសេសចុងក្រោយនេះ ដោសារនយោបាយឈ្នះឈ្នះរបស់សម្តេចតេជោហ៊ុនសែនបានរំលាយអង្គការចាត់តាំងខ្មែរក្រហមទាំងស្រុងហេីយចាប់ផ្តេីមកសាងប្រទេសអោយមានការរីកចំរេីនដល់បច្ចុប្បន្នទាំងផ្នែកពុទ្ធចក្រនិងអាណាចក្រ៕
