ឯកឧត្តម ប្រាជ្ញ ចន្ទបានចុះពិនិត្យខ្សែសង្វាក់ផលិតកម្មសាគូ សារ៉ាយ

ក្រុងសួង៖ រសៀលថ្ងៃនេះ 7/9/2016 មន្ទីរកសិកម្ម បានរៀបចំកម្មវិធីការងារ ឯកឧត្តម ប្រាជ្ញ ចន្ទ អភិបាលខេត្តត្បូងឃ្មុំ ដែលអម ដំណើរដោយឯកឧត្តម លោកជំទាវអភិបាលរង ខេត្ត មន្ទីរពាក់ព័ន្ធ អភិបាលក្រុងសួង ចៅសង្កាត់ មេភូមិ បានចុះពិនិត្យខ្សែសង្វាក់ផលិតកម្មសាគូ សារ៉ាយ របស់សិប្បករ លី ហុងឡេង និងសំណេះសំណាលជាមួយសិប្បករកែច្នៃសាគូ សារ៉ាយ ក្នុងសមាគម ទាំង13គ្រួសារ នៅភូមិធ្លក សង្កាត់សួង ក្រុងសួង ខេត្តត្បូងឃ្មុំ។
សាគូ សារ៉ាយ កែច្នៃពីម្សៅដំឡូងមី ហើយមានតែនៅក្រុងសួងប៉ុណ្ណោះ នៅទូទាំងប្រទេស។ បច្ចុប្បន្ន មានសិប្បករ7នាក់កំពុងបន្តការកែច្នៃនេះ។ ពីមុនសាគូ សារ៉ាយនេះមាននាំចូលពីប្រទេសថៃនិងវៀតណាម តែដោយសាគូ សារ៉ាយខ្មែរ មាន គុណភាពជាង ក៏មិនមានការនាំចូលទៀតទេ។