ដើម្បីជាប្រយោជន៍ដល់ប្រជាពលរដ្ឋក្នុងភូមិស្រែក្រោម និងភូមិវាលចារ ជាពិសេស លោកតា លោកយាយ លោកអ៊ំ ពូ មីង ធ្វើឧបោសថកម្មរៀងរាល់ថ្ងៃសីល៍នោះ នាព្រឹកថ្ងៃទី២៥ ខែមីនា ឆ្នាំ២០១៦ ឯកឧត្តម បណ្ឌិត ថេង ច័ន្ទសង្វារ អនុរដ្ឋលេខាធិការក្រសួងអភិវឌ្ឍន៍ជនបទ តំណាងដ៍ខ្ពង់ខ្ពស់ ឯកឧត្តម ជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយគណៈប្រតិភូក្រសួង បានអញ្ជើញជាអធិបតី កាត់ខ្សែបូសម្ពោធសាលាបុណ្យសន្សំ១ខ្នង ដែលបំរើអោយវិស័យពុទ្ធសាសនា ស្ថិតនៅក្នុងភូមិស្រែក្រោម សង្កាត់វិហារលួង ក្រុងសួង ខេត្តត្បូងឃ្មុំ ។ ក្នុងនោះដែរមានការអញ្ជើញចូលរួមពី ឯកឧត្តម គន់ សុភា អភិបាលរងខេត្ត លោក អាន ស៊ីណា ប្រធានមន្ទីរអភិវឌ្ឍន៍ជនបទខេត្ត លោកអភិបាលក្រុងសួង លោកលោកស្រីមន្ត្រីរាជការ លោកគ្រូ អ្នកគ្រូ កងកម្លាំងប្រដាប់អាវុធ លោកតា លោកយាយ និងសិស្សានុសិស្សយ៉ាងច្រើនកុះករ ៕
