ថ្នាក់ដឹកនាំ និងមន្ត្រីរាជកាស្រុកអូររាំងឪ​ចុះទៅជួបសំណេះសំណាល​ និងសួរសុខទុក្ខ​ប្រជាពលរដ្ឋដែលមានជីវភាពខ្វះខាត​ចំនួន​​មួយគ្រួសារ​ នៅភូមិទួលស្រម៉​ ឃុំគងជ័យ​​


រសៀល​ថ្ងៃទី​២០​ ខែកុម្ភៈ​ ឆ្នាំ​២០១៧​ នេះ​ លោក​ ងួន​ ប៊ុណ្ណាន​ អភិបាលនៃគណ:អភិបាលស្រុកអូររាំងឪ​ រួមជាមួយលោកស្រីអភិបាលរងស្រុក​ នាយករដ្ឋបាល​សាលាស្រុក​ លោកមេបញ្ជាការផ្នែកសឹករងស្រុក​ លោកមេបញ្ជាការស្តីទីកងរាជអាវុធហត្ថស្រុក​​ ប្រធានការិយាល័យ​ ដ.ន.ស.ភ​ ស្រុក​ និងក្រុមប្រឹក្សាឃុំគងជ័យ​ ចុះទៅជួបសំណេះសំណាល​ និងសួរសុខទុក្ខ​ប្រជាពលរដ្ឋដែលមានជីវភាពខ្វះខាត​ចំនួន​​មួយគ្រួសារ​ នៅភូមិទួលស្រម៉​ ឃុំគងជ័យ​​ ដោយបាននាំយកគ្រឿងឧបភោគបរិភោគ​ និងថវិការបស់ឯកឧត្តម​ សាយ​ សំអាល់​ រដ្ឋមន្ត្រីក្រសួងបរិស្ថាន​ និងជាប្រធានក្រុមការងារថ្នាក់ជាតិចុះមូលដ្ឋានស្រុកអូររាំងឪ​ ឧបត្ថម្ភជូនពួកគាត់ផងដែរ​ក្នុងនោះរួមមាន​អង្ករចំនួន​ ២៥គក្រ​​ ទឹកស៊ីអ៊ីវ​ ០១យួរ​ ទឹកត្រី​ ០១​យួរ​ ទឹកសុទ្ធអង្គរពូរ៉ូ​ ០១កេះ​ ប៊ីចេង​ ០១កញ្ចប់​ ប្រេងឆា​ ០១ដប​ ប្រេងកូឡាតាប៉ិ​ ០១ដប​ ស្ករស​ ០,៥​ គក្រ​ និងថវិកា​មួយចំនួន​ ។​ រីឯប្រជាពលរដ្ឋដែលចូលរួមប្រមាណ​ ១០​ នាក់​ ទទួលបានថវិកាក្នុងម្នាក់ចំនួន​ ១០.០០០៛​ និងប្រងកូឡាតាប៉ិ​ ០១ដប​ ។​ បន្ទាប់មក​ទៀត​ លោកអភិបាលរួមនឹងសហការីបានបន្តទៅចូលរួមក្នុងពិធីបុណ្យកាន់អង្គឆ្លងសមិទ្ធិនានានៅវត្តមណីរតនាថ្មដាកើត​ ឃុំទួលសូភី​ ។